TNPSC CURRENT AFFAIRS IN TAMIL – AUGUST 24, 2018

ஆஸ்திரேலியாவின் புதிய பிரதமராக ஸ்காட் மோரிசன் தேர்வு:

ஆஸ்திரேலியாவின் 30-வது பிரதமராக ஸ்காட் மோரிசன் தேர்ந்தெடுக்கப்பட்டார்.
மோரிசன் இரகசிய வாக்குப்பதிவில் பீட்டர் டட்டனை 45 வாக்குகள் வித்தியாசத்தில் தோற்கடித்தார்.

ஆசிய விளையாட்டு போட்டி: துப்பாக்கி சுடுதலில் வெள்ளி வென்றார் இந்தியாவின் ஷர்துல் விஹான்

18-வது ஆசிய விளையாட்டுப் போட்டியில் ஆடவருக்கான துப்பாக்கி சுடுதலில் டபுள் ட்ராப் பிரிவில் இந்தியாவின் ஷர்துல் விஹான் வெள்ளிப் பதக்கம் வென்றார்.
இதில் ஆடவருக்கான துப்பாக்கி சுடுதலில் டபுள் ட்ராப் பிரிவு இறுதி சுற்றில் 15 வயதான இந்திய வீரர் ஷர்துல் விஹான் 73 புள்ளிகள் குவித்து வெள்ளிப் பதக்கம் வென்றார்.
34 வயதான கொரியாவின் ஷின் ஹைன்வோ 74 புள்ளிகளுடன் தங்கப் பதக்கமும், கத்தாரின் அல் மாரி ஹமாத் அலி 53 புள்ளிகளுடன் வெண்கலப் பதக்கமும் கைப்பற்றினர்.

ஆசிய விளையாட்டுப் போட்டி: இந்தியாவுக்கு 6 வது தங்கம்

ஆசிய விளையாட்டுப் போட்டியின் ஆடவர் இரட்டையர் டென்னிஸ் பிரிவில் இந்தியாவின் போபண்ணா –ஷரன் இணை தங்கப் பதக்கம் வென்றது.
18-வது ஆசிய விளையாட்டுப் போட்டி இந்தோனேசியாவின் ஜகார்த்தா மற்றும் பாலேம்பங் நகரில் நடைபெற்று வருகிறது.
இதில் நடந்த ஆடவர் இரட்டையர் டென்னிஸ் பிரிவில், இந்தியாவின் போபண்ணா – ஷரன் இணை கஜகஸ்தான் இணையான பப்லில் – டெனிஸ் இணையை 6 – 3, 6 – 4 என்ற நேர் செட் கணக்கில் வெற்றி பெற்று தங்கப் பதக்கம் வென்றது.
இதன் மூலம் இந்தியாவுக்கு ஆசிய விளையாட்டுப் போட்டியில் ஆறாவது தங்கம் கிடைத்துள்ளது.

பெண்கள் கபடி போட்டியில் இந்தியாவுக்கு வெள்ளி பதக்கம்:

ஆசிய விளையாட்டு பெண்கள் கபடி போட்டியில் இந்தியாவுக்கு வெள்ளி பதக்கம் கிடைத்துள்ளது.
இறுதிப்போட்டியில் ஈரான் அணியிடம் 24-க்கு 27 என்ற புள்ளி கணக்கில் இந்தியா தோல்வி அடைந்தது.
இந்தியா இதுவரை 6 தங்கம், 5 வெள்ளி, 13 வெண்கலம் என 24 பதக்கங்களை வென்றுள்ளது. ஆசிய விளையாட்டுப் போட்டியில் இந்திய அணி 24 பதக்கங்களுடன் 7-வது இடத்தில் உள்ளது.

ஆசிய விளையாட்டு போட்டி: ஆடவர் 4 பேர் துடுப்பு படகு போட்டியில் இந்தியாவுக்கு தங்கப்பதக்கம்

ஆசிய விளையாட்டு போட்டியில் ஆடவர் 4 பேர் துடுப்பு படகு போட்டியில் இந்தியாவுக்கு தங்கப்பதக்கம் கிடைத்துள்ளது.
இரட்டையர் பிரிவு போட்டியில் சவாண் சிங்க், பவன் டாட்டூ, ஓம் பிரகாஷ், சுக்மீட் சிங்க் இணை தங்கப்பதக்கத்தை வென்றது.
ஆண்கள் ஒற்றையர் படகு போட்டியில் இந்திய வீரர் துஷ்யந்த் வெண்கலப்பதக்கம் வென்றார்.
இரட்டையர் பிரிவு போட்டியில் ரோஹித்குமார், பகவான் சிங் இணை இந்தியாவுக்கு வெண்கலப்பதக்கத்தை வென்றது.