TNPSC CURRENT AFFAIRS IN TAMIL – AUGUST 29 , 2018

சாகித்ய அகாடமியால் இந்தியில் மொழிபெயர்க்கப்பட்ட ‘கள்ளிக்காட்டு இதிகாசம்’ நாவலுக்கு விருது:

இந்தியில் மொழிபெயர்க்கப்பட்ட கவிஞர் வைரமுத்துவின் ‘கள்ளிக் காட்டு இதிகாசம்’ நாவலுக்கு இந்திய தொழில் வர்த்தக சம்மேளனங்களின் கூட்டமைப்பு (ஃபிக்கி) விருது வழங்கியுள்ளது.‘இந்தியாவின் சிறந்த புத்தகம்’ என ‘ஃபிக்கி’ கவுரவம் அளித்தது.
கவிஞர் வைரமுத்துவின் ‘கள்ளிக்காட்டு இதிகாசம்’ நாவல் கடந்த 2003-ல் சாகித்ய அகாடமி விருது பெற்றது. சாகித்ய அகாடமி இந்த நாவலை 23 மொழிகளில் மொழிபெயர்த்து வருகிறது.
முதலாவதாக, இந்தியில் ‘நாகபனீ வன் கா இதிஹாஸ்’ என்ற பெயரில் இந்த நாவலை மொழியறிஞர் எச்.பாலசுப்பிரமணியன் மொழி பெயர்த்துள்ளார்.

ஆசிய விளையாட்டுப் போட்டியில் 800 மீட்டர் ஓட்டத்தில் தங்கம் வென்றார் மன்ஜித் சிங்;

ஆசிய விளையாட்டுப் போட்டியில் 800 மீட்டர் ஓட்டத்தில் இந்தியாவின் மன்ஜித் சிங் தங்கப் பதக்கமும், ஜின்சன் ஜான்சன் வெள்ளி பதக்கமும் வென்றனர்.
பாட்மிண்டன் பிரிவில் இந்திய வீராங்கனை பி.வி.சிந்து வெள்ளிப் பதக்கம் வென்று வரலாற்றுச் சாதனை படைத்தார்.

குராஷ்

மகளிருக்கான குராஷ் போட்டி யில் 52 கிலோ எடைப் பிரிவில் இந்தியாவின் பிங்கி பல்ஹரா வெள்ளிப் பதக்கம் வென்றார். இறுதிப் போட்டியில் பிங்கி 0-10 என்ற கணக்கில் உஸ்பெகிஸ்தானின் குல்னர் சுலைமனோவாவிடம் தோல்வியடைந்தார். மற்றொரு இந்திய வீராங்கனையான மலபிரபா யாலப்பா ஜாதவ் வெண்கலப் பதக்கம் கைப்பற்றினார்.

தேசிய விளையாட்டு தினம் – ஆகஸ்டு 29

தேசிய விளையாட்டு தினம் ஒவ்வொரு ஆண்டும் ஆகஸ்டு 29 ம் தேதி புகழ்பெற்ற ஹாக்கி வீரர் தியான் சந்த் பிறந்தநாள் அன்று கொண்டாடப்படுகிறது

மனிதர்களுடன் ககன்யான் விண்கலம் அடுத்த 30 மாதத்தில் விண்ணில் பாயும் :

விண்வெளிக்கு மனிதர்களை சுமந்து செல்லும் ககன்யான் விண்கலத்தை அடுத்த 30 மாதங்களில் ஏவுவதற்கான முயற்சியில் இஸ்ரோ முழுவீச்சில் ஈடுபட்டு வருகிறது.
விண்வெளிக்கு மனிதர்களை அனுப்பும் திட்டத்தில் பல்வேறு நாடுகள் ஈடுபட்டு வருகின்றன. இந்தியாவும் 2004ல் இந்த திட்டத்தை தொடங்கியது.
இதற்காக, ‘ககன்யான்’ என்ற பெயரில் விண்கலம் தயாரிக்கப்பட்டு வருகிறது. இதை விண்வெளியில் ஏவ, ‘ஜிஎஸ்எல்வி எம்கே 3’ என்ற ராக்கெட் தயாரிக்கப்பட்டுள்ளது.
‘‘ககன்யான் விண்கலத்தின் முழுமையான திட்டம் 2022க்குள் முடிக்கப்படும் என்று மத்திய அணுசக்தி மற்றும் விண்வெளித்துறை இணை அமைச்சர் ஜிதேந்திரா சிங் நேற்று கூறினார்.

ஐ.நா. துணை பொது செயலாளராக இந்தியாவின் சத்யா திரிபாதி நியமனம்

ஐ.நா.வின் (United Nations Environment Programme (UNEP)) துணை பொதுச் செயலாளராக இந்தியாவின் பிரபல பொருளாதார நிபுணர் சத்யா எஸ் திரிபாதி நியமிக்கப்பட்டுள்ளார்.
அவர் எலியட் ஹாரிஸ் இடத்தை நிரப்புகின்றார். மேலும் நியூயார்க் ஐ.நா. சுற்றுச்சூழல் மையத்தின் தலைவராகவும் இவர் நியமிக்கப்பட்டுள்ளார்.
இந்நிலையில், இந்தியாவின் சத்யா திரிபாதியை ஐ.நா. துணை பொது செயலாளராகவும், நியூயார்க் சுற்றுச்சூழல் அலுவலகத்தின் தலைவராகவும் நியமித்து, ஐ.நா. சபை தலைவர் அன்டோனியோ கட்டர்ஸ் உத்தரவிட்டுள்ளார்.

ஆசிய விளையாட்டு 2018: 200 மீட்டர் ஓட்டப்பந்தயத்தில் வெள்ளிப்பதக்கம் வென்றார் டூட்டி சந்த்

ஆசிய விளையாட்டு போட்டியில் இந்தியாவின் டூட்டி சந்த் வெள்ளிப்பதக்கம் வென்றுள்ளார்.
பெண்களுக்கான 200 மீட்டர் ஓட்டப்பந்தயத்தில் டூட்டி சந்த் வெள்ளிப்பதக்கம் வென்றுள்ளார்.

ஆசிய விளையாட்டு 2018: கலப்பு 4×400 மீ. ஓட்டத்தில் வெள்ளி

ஆசிய விளையாட்டு போட்டியில் பேட்மின்டன், டேபிள் டென்னிஸ், வில்வித்தையில் பதக்கங்கள் வென்ற நமது வீரர், வீராங்கனைகள், கலப்பு 4*400 மீ. ஓட்டப்பிரிவிலும் அசத்தினர்.
இதில் முகமது அனாஸ், தமிழக வீரர் ஆரோக்கிய ராஜீவ், ஹிமா தாஸ், பூவம்மா ஆகியோர் கொண்ட இந்திய அணி பங்கேற்றது. போட்டி தூரத்தை 3 நிமிடம் 15.71 வினாடிகளில் கடந்த நமது அணி வெள்ளி வென்று சாதித்தது.
3 நிமிடம் 11.89 வினாடிகளில் போட்டி தூரத்தை கடந்த பக்ரைன் அணி தங்கமும், 3 நிமிடம் 19.52 நிமிடத்தில் கஜகஸ்தான் வெண்கலமும் வென்றன